Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 243 Hüküm no: 238 Orijinal metin no: [31b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manisalı Çelebi Mahallesi’nden İsmihan bt. Ali’nin geçinemediği kocası Musa b. Mehmed’den boşandığı Mahmiye-i İstanbul’da Manisalı Çelebi Mahallesi’nde sâkine olup zâtı Mustafa b. Ali ve Hasan b. Şa‘ban nâm kimesneler ta‘rîfleriyle mu‘arrefe olan İsmihan bt. Ali nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Musa b. Mehmed nâm kimesne mahzarında ikrâr ve takrîr-i kelâm edip zevcim mezbûr Musa ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan dört bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Musa ile muhâla‘a-i sahîha-i şer‘iyye ile muhâla‘a eylediğimde ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 18 min-Cumâdelûlâ sene 1121 Şuhûdü’l-hâl: Abdullah b. Mustafa, Hasan Çelebi b. Mustafa, Ali b. İvaz, Hasan b. Şa‘ban, Mustafa b. Ali, Ahmed b. Osman, Mehmed b. Ahmed, Mustafa [b.] Abdullah, Ali b. Bâli ve gayruhum mine’l-huzzâr.