Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 244 Hüküm no: 239 Orijinal metin no: [31b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Polihron v. Yorgi’nin Ali Paşa-yı Atik Mahallesi’ndeki evinin yarı hissesini hanımı Anaştaş bt. Lakar’a sattığı Mahmiye-i İstanbul’da Edirnekapısı dâhilinde Ali Paşa-yı Atîk Mahallesi’nde sâkin Polihron v. Yorgi nâm zimmî meclis-i şer‘-i şerîf-i enverde hâlâ zevcesi olan işbu bâ‘isetü’s-sifr Anaştaş bt. Lankar nâm Nasrâniye tarafından husûs-ı âti’z-zikre vekîl olduğu Papa Yani v. Sırti? ve İstati v. Panayot nâm zimmîler şehâdetleriyle sâbit olan Panayot v. Lankar nâm zimmî muvâcehesinde ikrâr ve takrîr-i kelâm edip mahalle-i mezbûrede vâki‘ bir tarafdan Hallâc Lankar zimmî mülkü ve bir tarafdan Papa Panayose zimmî mülkü ve bir tarafdan İskoli zimmî menzili bir tarafdan tarîk-i âm ile mahdûd fevkānî iki bâb oda ve tahtânî bir bâb oda ve bir kenîfi müştemil menzilin nısf-ı şâyi‘i akd-i âti’z-zikrin sudûruna değin yedimde mülk ve hakkım olmağın hâlâ menzil-i mezbûrede olan nısf-ı şâyi‘imi tarafeynden îcâb ve kabûlü hâvî bey‘-i bâtt-ı sahîh-i şer‘î ile zevcem müvekkile-i mezbûre Anastaş’a iki yüz elli guruşa bey‘ ve temlîk eylediğimde ol dahi ber-vech-i muharrer iştirâ ve temellük ve kabûl eyledikden sonra semeni olan meblağ-ı mezbûru yedinden tamamen ahz u kabz eyledim min-ba‘d menzil-i mezbûrun nısf-ı şâyi‘inde alâka ve medhalim kalmayıp müvekkile-i mezbûrenin mülk-i müşterâsı olmuşdur dedikde gıbbe’t-tasdîkı’l-vicâhî mâ-vaka‘a bi’t-taleb ketb olundu. Fi’l-yevmi’s-sânî aşer min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Hasan Çelebi b. Mustafa, Abdullah Çelebi b. Abdullah, Hasan Çelebi b. Abdullah.