Üsküdar Mahkemesi 2 Numaralı Sicil (H. 924-927 / M. 1518-1521) cilt: 2, sayfa: 477 Hüküm no: 887 Orijinal metin no: [127b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Matyoz b. Yani’nin Levend Andriya’dan şıra bedelinden alacaklı olduğu Sebeb-i tahrîr-i hurûf oldur ki Matyoz b. Yani Yapıcı meclis-i şer‘a hâzır gelip bilesince Levend Andriya’yı ihzâr edip takrîr-i merâm kılıp dedi ki şıra bahâsından mezkûr Andriya’dan altı yüz akçe hakkım vardır taleb ederim deyicek mezbûra suâl olundukda bi’l-muvâcehe bi’t-tav‘ ikrâr edip mezkûr Matyoz’a meblağ-ı mezkûr hükm olunup talebiyle deftere sebt olundu. Cerâ zâlike ve hurrire fî evâili Ramazâni’l-mübârek sene 927. Şuhûdü’l-hâl: Berber Hasan, Mustafa b. Karaca, Memi b. Koca