Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 270 Hüküm no: 265 Orijinal metin no: [36b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Abdurrahman ile Fâtıma bt. Şa‘ban’ın Akşemseddin Mahallesi’nde mutasarrıf oldukları vakıf evi İsmail Beşe b. Yusuf’a sattıkları Mahmiye-i İstanbul’da Akşemseddin Mahallesi sâkinelerinden Râbia bt. Abdurrahman ve Fâtıma bt. Şa‘ban nâm hatunlar meclis-i şer‘-i şerîf-i enverde işbu râfi‘u’l-kitâb İsmail Beşe b. Yusuf nâm kimesne mahzarında her biri ikrâr ve takrîr-i kelâm edip mahalle-i mezbûre avârızına mevkūfe mahalle-i mezbûrede vâki‘ menzilin sülüsân benim ve sülüs mezbûre Fâtıma’nın olup bâ-ma‘rifet-i mütevellî seksen guruş bedel mukābelesinde mezbûr İsmail Beşe’ye ferağ ve tefvîz ol dahi ber-vech-i muharrer tefevvüz ve kabûl eylediğinden sonra bedel-i merkūm seksen guruşu mezbûr İsmail Beşe yedinden bi-kadri’l-hısas ahz u kabz eyledik baʻde’l-yevm ma‘lûmü’l-hudûd menzil mezbûr İsmail Beşe’nin havza-i tasarrufu olmuşdur keyfe mâ yeşâ mutasarrıf olsun dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 20 min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Hasan Çelebi b. Abdullah, Hasan Çelebi b. Mustafa, Ali Çelebi b. İvaz, Ali b. Bâli ve gayruhum mine’l-huzzâr.