Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 282 Hüküm no: 282 Orijinal metin no: [38b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın geçinemediği kocası Hüseyin Çelebi b. Abdullah’dan boşandığı Mahmiye-i İstanbul’da Davudpaşa Mahallesi’nde sâkine zâtı Süleyman Beşe b. Abdullah ve Mehmed b. Ahmed nâm kimesneler ta‘rîfleriyle mu‘arrefe olan Âişe bt. Abdullah nâm hatun mahfil-i kazâda zevc-i dâhili işbu râfi‘u’l-kitâb Hüseyin Çelebi b. Abdullah nâm kimesne mahzarında ikrâr ve takrîr-i kelâm edip zevcim mezbûr ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan altmış guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi mâlımdan otuz guruş dahi bedel-i hul‘ vermek üzere ve meûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile muhâla‘a olduğumda ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 27 min-Cumâdelûlâ li-sene 1121