Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 187 Hüküm no: 267 Orijinal metin no: [36b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Luka b. Nikola’nın Hayreddin b. Yusuf’a borçlu olduğu Kazıyye budur ki Karye-i Çengel’den Hayreddin b. Yusuf şer‘-i şerîf-i Nebevîye hâzır olup bilesince müteveffâ Luka b. Nikola’nın vasîsi olan Todora b. Kalod’u ihzâr edip şöyle takrîr-i da‘vâ edip eyitti ki, müteveffâ Nikola zimmetinde üç bin dört yüz akçe hakkım ve alımım vardır, terekesinden taleb ederim, dedikde vasî-i mezbûr inkâr edip beyyine taleb olundukda Karaca b. Yusuf ve Kosta b. Marko ve Dimitri b. Marko hâzırûn olup şöyle edâ-i şehâdet-i şer‘iyye kılıp eyittiler ki, müdde‘î-i mezkûr Hayreddin’in müteveffâ Luka b. Nikola zimmetinde üç bin dört yüz akçe hakkı ve alımı kaldı, diye şehâdet ettiklerinden sonra şehâdetleri gıbbe’t-ta‘dîl hayyiz-i kabûlde vâkı‘ olup muhallefât-ı mezkûrdan hükm olundu. Tahrîren fî evâhıri evveli’r-Rebî‘ayn li-seneti erba‘ ve selâsîne ve tis‘a mi’e . Şuhûdü’l-hâl: Ali b. Musa, Timurhan Bey el-emîn, Kāsım Bey b. Abdullah el-bevvâb, Bâli b. Aslıhan.