Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 286 Hüküm no: 289 Orijinal metin no: [39b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karabet v. Kirkos’a borcu olan Halil Çelebi b. Mehmed’e borcunu ödemesinin tenbih edildiği Ekmekçi tâifesinden işbu râfi‘u’s-sifr Karabet v. Kirkor nâm zimmî mahfil-i kazâda Halil Çelebi b. Mehmed mahzarında üzerine da‘vâ ve takrîr-i kelâm edip bundan akdem mezbûr Halil Çelebi’ye kendi mâlımdan elli üç guruş ile yirmi beş paramı ikrâz ve teslîm ol dahi ikrâz ve kabz ve kendi mesârifine sarfla istihlâk ettiğinden sonra meblağ-ı mezbûru mezbûr Halil Çelebi’den taleb eylediğimde bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Halil Çelebi cevâbında kaziyye minvâl-i muharrer üzere olup müdde‘î-i mezbûr Karabet’e cihet-i mezkûreden elli üç guruş ile yirmi beş para zimmetimde vâcibü’l-edâ deynim vardır deyü tâyi‘an ikrâr u i‘tirâf etmeğin alâ-mûcebi i‘tirâfihî meblağ-ı mezbûr elli üç guruş ile yirmi beş parayı müdde‘î-i mezbûr Karabet’e edâ ve teslîme mezbûr Halil Çelebi’ye tenbîh-birle mâ-vaka‘a bi’t-taleb ketb olundu. Fî 29 min-Cumâdelûlâ sene 1121 Şuhûdü’l-hâl: Hasan b. Mustafa, Mehmed b. Abdullah, Hüseyin b. Hasan, Mehmed b. İbrahim, Mehmed Çelebi b. Ahmed ve gayruhum mine’l-huzzâr.