Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 287 Hüküm no: 291 Orijinal metin no: [40a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fesci esnafının talebiyle görevini bırakan kethüdaları Mehmed Tahir b. Abdullah’ın yerine Hacı Abdurrahman b. Selim’in kethüda tayin edildiği Fesci tâifesinden el-Hâc Mehmed b. Ahmed ve Merzuk b. Mes‘ûd ve el-Hâc Mes‘ûd b. el-Hâc Abdullah ve el-Hâc Yusuf b. Mes‘ûd ve Ahmed b. Şa‘ban ve Yusuf b. Şa‘ban ve el-Hâc Said b. Ahmed ve Ömer b. Mes‘ûd ve el-Hâc Ali b. Ebûzeyd ve Musa b. el-Hâc Ahmed ve el-Hâc Süleyman b. el-Hâc Mansur ve el-Hâc Ömer b. Salih ve el-Hâc Mehmed b. Abdullah ve Abdullah b. Abdullah ve Ramazan b. Kasım ve Yusuf b. Said ve el-Hâc İbrahim b. el-Hâc Mehmed ve el-Hâc Süleyman b. el-Hâc Mehmed ve el-Hâc Mehmed b. el-Hâc Ali ve Abdullah b. el-Hâc Yusuf ve Süleyman b. Ahmed ve es-Seyyid Ömer b. Mehmed ve Abdülaziz b. Ahmed ve el-Hâc Abdurrahman b. İsa ve Hüseyin b. Ahmed ve İbrahim b. Mes‘ûd ve Ebusselâm b. Ahmed ve el-Hâc Ali b. İsa ve Mehmed b. Ahmed ve Ali b. el-Hâc Abdullah ve Ca‘fer b. Mübarek ve el-Hâc Ahmed b. İbrahim ve İbrahim Çelebi b. Ali ve Osman Çelebi b. Abdullah ve el-Hâc Mustafa b. Mehmed ve sâirleri meclis-i şer‘-i şerîf-i enverde işbu bâ‘isü’l-kitâb el-Hâc Abdurrahman b. Selim mahzarında her biri takrîr-i kelâm ve bast-ı merâm edip kethüdâmız olan işbu hâzır bi’l-meclis Mehmed Tahir b. Abdullah kethüdâlıkdan kasr-ı yed edip fâriğ olmağla kethüdâlık umûru hâlî kalmağın mezbûr el-Hâc Abdurrahman cümlemizin muhtârı ve müstakīm kimesne olmağla üzerimize kethüdâ nasb olunmasını ihtiyâr eyledik dediklerinde mezbûrûnun iltimâsları ile mezbûr el-Hâc Abdurrahman hirfet-i mezbûre üzerine kıbel-i şer‘den kethüdâ nasb u ta‘yîn olundukda ol dahi kabûl etmeğin mâ-vaka‘a bi’t-taleb ketb olundu. Fî 20 min-Cumâdelûlâ sene 1121 Şuhûdü’l-hâl: Mehmed Çelebi b. Abdi, Mustafa Çelebi b. Şa‘ban, Hasan b. Abdullah, Abdullah b. Abdullah ve gayruhum mine’l-huzzâr.