Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 298 Hüküm no: 308 Orijinal metin no: [42a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dergâh-ı âlî yeniçeri hulefasından Mehmed Efendi b. Mustafa’nın Molla Mustafa b. Hüseyin’e bogası bedelinden borcu olduğunun tescil edildiği Dergâh-ı âlî dâme mahfûfen bi’l-me‘âlî yeniçerileri hulefâlarından Mehmed Efendi b. Mustafa nâm kimesne işbu râfi‘u’l-kitâb Molla Mustafa b. Hüseyin nâm kimesne mahzarında ikrâr ve takrîr-i kelâm edip mezbûr Molla Mustafa yedinden semeni târih-i kitâb senesi Rebî‘ülevvel’in on birinci gününden iki yüz bir gün tamamına değin mev‘ûd ve müeccel olmak üzere iştirâ ve kabz eylediğim levn ve adedi beynimizde ma‘lûm bogası bahâsından mezbûr Molla Mustafa’ya zimmetimde vâcibü’l-edâ ve lâzımü’l-kazâ elli adedi [guruş] deynim vardır dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 25 min-Cumâdelûlâ sene 1121 Şuhûdü’l-hâl: Mustafa Çelebi b. Şa‘ban, Ali Çelebi b. Bâli, Hasan Çelebi b. Mustafa, Ali Çelebi b. İvaz, Abdullah Çelebi b. Abdullah ve gayruhum mine’l-huzzâr.