Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 323 Hüküm no: 593 Orijinal metin no: [94b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’na ait Habbâz Alagöz b. Abdullah’a satılması (bey‘ bi’l-isticâr) Vech-i tahrîr-i sicil budur ki Süheyl b. Abdullah meclis-i şer‘de Habbâz Alagöz b. Abdullah mahzarında Selman Ağa mahallesinde el-ân sâkin olduğu lede’l-cîran ma‘lûmetü’l-hudûd olan mülkü bin akçeye bana bey‘ eyledi, dedikde mezkûr Alagöz dahi vech-i meşrûh üzere mukır olduktan sonra zikr olunan evini târih-i hâze’l-kitâbdan sene-i kâmile tamâm olunca yüz akçeye icâreye kabûl eyleyip Selman Ağa vakfına verdim, diye ikrârı sebt-i sicil olundu. Tahrîren fî Muharremi’l-harâm sene 934. Şuhûdü’l-hâl: Hoca Abdullah b. Yahşi, Hasan b. Mehmed, Şaban Fakih b. Ramazan ve gayruhüm.