Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 324 Hüküm no: 594 Orijinal metin no: [95a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Şaban b. Ramazan’a ödünç verilmesi Vech-i tahrîr-i sicil budur ki Merhûm Selman Ağa mütevellîsi olan Süheyl b. Abdullah meclis-i şer‘de kasaba-i Üsküdar’dan Şaban b. Ramazan mahzarında şöyle takrîr-i kelâm kılıp eyitti ki, merhûmun vakıf akçesinden bin akçe karz-ı hasenden ve yüz akçe kaftan-ı çuka bahâsından cem‘an târih-i hâze’l-kitâbdan sene-i kâmile tamâm olunca edâ etmek üzere verdim, dedikde mezkûr Şaban dahi vech-i meşrûh üzere mukır olup ve mezkûr Şaban dahi meblağ-ı mesfûra büyük bağını rehin verip mütevellî-i mezbûr dahi kabûl eyleyip sebt-i sicil olundu. Tahrîren fî gurreti Muharremi’l-harâm sene erba‘ ve selâsîne ve tis‘a mi’e. Şuhûdü’l-hâl: Bayezid b. Hayyât Nasuh, Osman b. Musa, Nâzır İbrahim b. Abdullah ve gayruhüm.