Üsküdar Mahkemesi 5 Numaralı Sicil (H.930-936 / M. 1524-1530) cilt: 3, sayfa: 332 Hüküm no: 618 Orijinal metin no: [101a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selman Ağa Vakfı’ndan Halvacı Hacı Mehmed’e ödünç verilmesi 2.000 Sebeb-i tahrîr-i sicil budur ki Merkūm mütevellî Süheyl b. Abdullah meclis-i şer‘de Halvacı Hacı Mehmed mahzarında takrîr-i merâm kılıp eyitti ki, mezbûr meblağdan iki bin akçe karz-ı hasenden ve iki yüz kaftan bahâsından cem‘an iki bin iki yüz akçe olur işbu târih-i kitâbdan sene-i kâmile tamâm olunca edâ etmek üzere verdim, dedikde merkūm Halvâyi, mastûr mütevellîyi cemî‘ mâ-akarra bihîsinde tasdîk eyledikten sonra merkūm meblağın zararına Ali b. Kemal kefîl bi’l-mâl oldu ve merkūm Mehmed Paşa imâreti mahallesinde vâkı‘ olan içinde sâkin olduğum evi rehin verdim, dedikde talebiyle sebt-i sicil olundu. Tahrîren fî evâili Muharremi’l-harâm sene 931. Şuhûdü’l-hâl: Mezkûrlar.