Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 311 Hüküm no: 325 Orijinal metin no: [44b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Karabet v. Begos’un Magar v. Melkon ve Marsim v. Melkon’a borcu olduğunun tescili Medîne-i Hazret-i Ebî Eyyübe’l-Ensârî mahallâtından Servi Mahallesi sükkânından Ekmekçi Karabet v. Begos nâm zimmî meclis-i şer‘-i şerîf-i enver ve mahfil-i dîn-i münîf-i ezherde işbu bâ‘isü’l-vesîka Magar v. Melkon ve Marsim v. Melkon nâm zimmîler muvâcehelerinde ikrâr ve takrîr-i kelâm edip mezkûr Magar’a cihet-i karz-ı şer‘îden doksan bir guruş ve mezkûr Marsim’e cihet-i mezkûreden otuz guruş ki cem‘an mezkûrâna cihet-i mezkûreden yüz otuz guruş zimmetimde lâzımü’l-kazâ ve vâcibü’l-edâ deynim vardır deyü tâyi‘an ikrâr u i‘tirâf edip alâ-mûcebi i‘tirâfihî mâ-hüve’l-vâki‘ bi’t-taleb ketb olundu. Fî 8 min-Cumâdelâhire sene 1121 Şuhûdü’l-hâl: Mehmed Çelebi b. Abdi, İsa Çelebi b. Ahmed, Ahmed Çelebi b. ( ), Mustafa Çelebi b. Şa‘ban, Hüseyin b. Hasan, Mahmud Çelebi b. Mehmed ve gayruhum mine’l-huzzâr. Karabet v. Bedros, Avanos v. Vartan, Mardiros v. Norsis.