Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 322 Hüküm no: 339 Orijinal metin no: [46b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Premedi kazasının Radohova köyü ahalisinin Kirko v. Miho’nun kendileriyle vergi ödemesi talebiyle açtıkları davada Kirko’nun başka diyara gideceğini beyân ettiği Vilâyet-i Rumeli’nde Avlonya sancağında vâki‘ Premedi kazâsına tâbi‘ Radohova nâm karye ahâlîsinden Etriço v. Manço ve Miko v. Rusto ve Ralo v. Çeço ve Trapo v. Viçiko ve Hristo v. Kola ve Metro v. Çiko nâm zimmîler meclis-i şer‘-i şerîf-i enverde yine karye-i mezbûre sâkinlerinden Kirko v. Miho nâm zimmî muvâcehesinde her biri takrîr-i kelâm ve tâʻbir ani’l-merâm edip mezbûr Kirko zikr olunan Radohova karyesinde bizimle ma‘an tavattun edip nevâîb-i [nüvvâb-ı] sultânîyyeden üzerimize edâsı lâzım gelen tekâlifden hissesine isâbet eden <> teklîfini mezbûr Kirko bizimle edâ etmemekle suâl olunup takrîri tahrîr ve yedimize hüccet verilmek matlûbumuzdur dediklerinde gıbbe’s-suâl mezbûr Kirko cevâbında fi’l-vâki‘ kaziyye mezbûrûnun takrîr-i meşrûhları üzere olup lâkin fîmâ-ba‘d zikri mürûr eden karyede sâkin olmayıp diyâr-ı âhara gitmek üzere ta‘ahhüd eyledim dedikde hıfzan li’l-makāl işbu vesîka bi’t-taleb ketb olundu. Fî 11 min-Cumâdelâhire sene 1121 Şuhûdü’l-hâl: Mustafa Çelebi b. Şa‘ban, Ali Çelebi b. İvaz, Hasan Çelebi b. Mustafa, Osman b. Hasan ve gayruhum mine’l-huzzâr.