Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 326 Hüküm no: 344 Orijinal metin no: [47a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye Hatun bt. Abdi’nin geçinemediği kocası Ali b. İbrahim’den boşandığı Mahmiye-i İstanbul’da Üskübî Mahallesi’nde sâkine olup zâtı Ali Çelebi b. Abdullah ve Ömer Çelebi b. Ahmed nâm kimesneler ta‘rîfleriyle mu‘arrefe olan Safiye bt. Abdi nâm hatun mahfil-i kazâda zevc-i dâhili işbu bâ‘isü’l-kitâb Ali b. İbrahim nâm kimesne mahzarında ikrâr ve takrîr-i kelâm edip zevcim mezbûr Ali ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Ali ile muhâla‘a-i sahîha-i şer‘iyye ile muhâla‘a eylediğimde ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 13 min-Cumâdelâhire sene 1121 Şuhûdü’l-hâl: Mustafa Çelebi b. Şa‘ban, Süleyman b. Abdullah, Abdullah b. Hasan, Ali b. Abdullah ve gayruhum mine’l-huzzâr.