Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 328 Hüküm no: 348 Orijinal metin no: [47b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Viran karyesinden Ahmed b. Abdi’nin bağını Dergâh-ı âlî yeniçerileri Altmış dokuzuncu Cemaati oda neferleri nukud vakfına sattığı Medîne-i Üsküdar nâhiyelerinden Adalar nâhiyesine tâbi‘ Viran nâm karye sükkânından Ahmed b. Abdi nâm kimesne mahfil-i kazâda Dergâh-ı âlî yeniçerilerinin altmış dokuzuncu cemâ‘atine mahsûs oda neferâtına mevkūfe nukūdun bi’l-fi‘il mütevellîsi olan işbu râfi‘u’l-kitâb Abdullah Beşe b. Mustafa nâm kimesne mahzarında ikrâr ve takrîr-i kelâm edip yedimde mülk ve hakkım olup karye-i mezbûrede vâki‘ bir tarafdan Ali Efendi bağı ve bir tarafdan Ahmed Çelebi tarlası ve bir tarafdan Hüseyin Çelebi bağı ve bir tarafdan tarîk-i âm ile mahdûd tahmînen yirmi dönüm bağımı târih-i kitâbdan bir sene tamamına değin bey‘ bi’l-vefâ tarîkıyle mezbûr Abdullah Beşe’ye yüz on beş guruşa bey‘ ol dahi mâl-ı vakf-ı mezbûr ile ber-vech-i muharrer bi’t-tevliye iştirâ ve kabûl eylediğinden sonra semeni olan meblağ-ı mezbûr yüz on beş guruşu mezbûr Abdullah Beşe yedinden tamamen ahz u kabz eyledim baʻde’l-yevm bağ-ı mahdûd-ı mezkûru mahallinde zabt u tasarrufa mezbûr Abdullah Beşe’yi taslît eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 14 min-Cumâdelâhire sene 1121 Şuhûdü’l-hâl: Hasan Çelebi b. Mehmed Kapıkethüdâsı, Hüseyin Beşe b. Ahmed, Hasan Yazıcı b. Ömer, Abdullah Çelebi b. Mehmed Helvacı, es-Seyyid Halil Çelebi b. es-Seyyid Mehmed, Halil Usta b. el-Hâc İbrahim, Hüseyin Beşe b. Süleyman, el-Hâc Mustafa b. Mehmed Odabaşı, Mustafa Çelebi b. Şa‘ban, Ali b. İvaz, …?