Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 330 Hüküm no: 351 Orijinal metin no: [48a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Despina bt. Nikola’nın boşandığı kocası Tarpo v. Kiro’daki her türlü alacağından vazgeçip zimmetini ibra ettiği Mahmiye-i İstanbul’da Mirâhor Mahallesi sâkinelerinden olup zâtı ma‘rifet-i şer‘iyye ile ârifân Yuvan v. Nasto ve Miho v. Nikola nâm zimmîler ta‘rîfleriyle mu‘arrefe olan Despina bt. Nikola nâm Nasrâniye mahfil-i kazâda zevc-i mutallıkı işbu râfi‘u’s-sifr Tarpo v. Kiro nâm zimmî muvâcehesinde ikrâr ve takrîr-i kelâm edip mezbûr Tarpo zevcim olup târih-i kitâb günü beni tatlîk etmekle âyînimiz üzere akd-i nikâhda mehir tesmiye olunmayıp lâkin benim için mehr-i misl zimmetinde sâbit olmağın mehr-i müeccel-i mislime ve sâir hukūk-ı zevciyete müte‘allika âmme-i de‘âvî ve kâffe-i mutâlebâtdan meccânen zevci mezbûr Tarpo’nun zimmetini ibrâ-i âmm-ı kātı‘u’n-nizâ‘la ibrâ ve iskāt edip ol dahi kezâlik hukūk-ı zevciyete müte‘allika âmme-i da‘vâdan benim zimmetimi ibrâ ve iskāt eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 15 min-Cumâdelâhire sene 1121 Şuhûdü’l-hâl: Hasan b. Abdullah, Hüseyin b. Mustafa, Ali b. İvaz, Ali b. Bâli ve gayruhum mine’l-huzzâr.