Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 332 Hüküm no: 354 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ortaklıklarını sonlandıran Hacı Mahmud b. Abdullah ile Hacı Ali b. Abdullah’ın birbirlerinin zimmetlerini ibra ettikleri Husûs-ı âti’z-zikrin mahallinde ketb ü tahrîr[i] iltimâs olunmağın savb-ı şer‘-i enverden Mevlânâ Mehmed Efendi b. Ahmed ta‘yîn ve irsâl olunup ol dahi mahmiye-i İstanbul’da Çerâğī Hamza Mahallesi’nde sâkin el-Hâc Mahmud b. Abdullah’ın menziline varıp zeyl-i kitâbda mastûrü’l-esâmî Müslimîn huzûrunda akd-i meclis-i şer‘-i nebevî eyledikde mezbûr el-Hâc Mahmud meclis-i ma‘kūd-ı mezbûrede işbu sâhibü’l-kitâb el-Hâc Ali b. Abdullah nâm kimesne mahzarında ikrâr ve takrîr-i kelâm edip mezbûr el-Hâc Ali ile on seneden berü ve ale’l-iştirâki’s-seviyy şerîk olup el-hâletü hâzihî fesh-i akd-i şirket edip on seneden berü beynimizde vâki‘ olan ahz u i‘tâ ve mu‘âmelât-ı şettâ hukūk-ı ma‘lûme ve mechûleye müte‘allika da‘vâdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin min-Cumâdelâhire [sene] 1121 Şuhûdü’l-hâl: Eş-Şeyh Mehmed Efendi b. Abdülhalim, Ömer Efendi b. Ali, …? Efendi b. Ali, el-Hâc Sinan b. Mehmed, Kara Mustafa.