Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 339 Hüküm no: 365 Orijinal metin no: [49b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohan v. Bedros’un annesine ait evi satın alan kardeşi Karabet’e açtığı davadan vazgeçerek evde hiçbir hakkının olmadığını beyân ettiği Mahmiye-i İstanbul’da Sulu Manastır Mahallesi sâkinlerinden Ohan v. Bedros nâm Ermeni mahfil-i kazâda li-ebeveyn er karındaşı işbu râfi‘u’s-sifr Karabet nâm Ermeni muvâcehesinde ikrâr ve takrîr-i kelâm edip karındaşım mezbûr Karabet’den mahalle-i mezbûrede vâki‘ bir tarafdan babamız mezbûr Bedros menzili ve bir tarafdan Bağdasar nâm Ermeni menzili ve bir tarafdan Karabet nâm zimmî menzili ve bir tarafdan tarîk-i âm ile mahdûd fevkānî ve tahtânî iki bâb oda ve sofa ve havluyu müştemil menzil vâlidemiz gāibetü ani’l-meclis Mosik bt. Karagöz nâm Ermeniyenin mülkü olmak üzere menzil-i mezbûrda ikimiz ma‘an sâkin iken merkūm Karabet menzil-i mezkûru vâlidemiz mezbûre Mosik’den seksen guruşa iştirâ ve kabz etmekle mülk-i müşterâm olmuşdur deyü müdâhaleme mâni‘ olmuş idi hâlâ ben da‘vâ-yı mezkûremden fâriğ olup menzil-i mahdûd-ı mezbûrda kat‘â alâka ve medhalim yokdur dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 15 min-Cumâdelâhire sene 1121 Şuhûdü’l-hâl: Mustafa b. Şa‘ban, Ali b. İvaz, Mehmed Çavuş el-Mübâşir, Hüseyin b. Mustafa ve gayruhum mine’l-huzzâr.