Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 348 Hüküm no: 375 Orijinal metin no: [51b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Osman’ın geçinemediği kocası Hüseyin b. Bekir’den boşandığı Mahmiye-i İstanbul’da Beyceğiz Mahallesi sâkinelerinden Âişe bt. Osman nâm hatun ba‘de’t-ta‘rîfi’ş-şer‘î meclis-i şer‘-i şerîf-i enverde zevci işbu râfi‘u’l-vesîka Hüseyin b. Bekir nâm kimesne muvâcehesinde bi-tav‘ihâ ikrâr ve takrîr-i kelâm edip mezkûr Hüseyin zevcim olup beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan iki bin dört yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezkûr ile muhâla‘a-i sahîha-i şer‘iyye ile muhâla‘a edip ol dahi ber-vech-i meşrûh hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ-i âmm-ı râfi‘u’l-hısâm ile ibrâ ve iskāt eyledik dediklerinde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 17 min-Cumâdelâhire sene 1121 Şuhûdü’l-hâl: Ahmed b. Ali, Hasan b. Mustafa, Mehmed b. Abdullah, Süleyman b. Abdullah, Abdullah b. Ahmed ve gayruhum mine’l-huzzâr.