Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 291 Hüküm no: 712 Orijinal metin no: [85a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola b. Yani’nin Emir b. Çepni’ye borçlu olduğu Sebeb-i tahrîr-i sicil budur ki Bundan akdem Emir b. Çepni şer‘-i şerîfe hâzır olup bilesine Nikola [b.] Yani’yi ihzâr edip üzerine takrîr-i da‘vâ kılıp dedi ki bundan akdem mezkûr hasta olup görmeğe vardıkda mezkûr Emir b. Çepni’ye beş yüz akçe deynim vardır sendedir deyicek mezkûrdan istifsâr olundukda bi’l-mukābele inkâr eyledi gıbbe’l-inkâr müdde‘î-i mezbûrun da‘vâsına muvâfık beyyine taleb olundu zimmîlerden Dimo b. Kosta İstati b. Mihal şehâdet-i şer‘î kılıp dediler ki mezkûr Emir b. Çepni’ye beş yüz akçe vâcibü’l-edâ deynim vardır deyû ikrâr eyledi deyû şehâdet eylediklerinden sonra şehâdetleri ba‘de’t-tezkiyye hayyiz-i kabûlde vâkī‘ oldukdan sonra meblağ-ı mezbûru mezkûr Emir b. Çepni’ye hükm edip sicil olundu. Tahrîren fî evâili Rebi‘ilevvel li sene isnâ ve erba‘în ve tis‘a mi’e. Şuhûdü’l-hâl: Hüseyin b. Hacı Yusuf, Kılavuz b. Aslıhan, Koca Kethüdâ ve Mustafa b. Mehmed.