Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 292 Hüküm no: 713 Orijinal metin no: [85a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sığırtmaç Ahmed b. Abdullah’ın sığırların bostanına girdiği Cafer b. Abdullah’ın zararını tazmin etmesi Vech-i kaziyye budur ki Cafer b. Abdullah Ahmed b. Abdullah ile şer‘-i şerîfe hâzırân olup mezbûr Ahmed bi’t-tav‘ ve’r-rızâ ikrâr ve i‘tirâf kılıp dedi ki bundan akdem Nerdübanlı nâm karyenin sığırın güderken mezkûr Cafer’in bostanın sığıra yedirdim müslümanlar iletip zarar görüldükde iki yüz akçeye tutulup ben de dahi meblağ-ı mezbûr iki yüz akçeyi mezbûr Cafer’e vermeye mültezim oldum deyicek ikrâr hükm olunup sicil olundu. Tahrîren fî evâili Rebi‘ilevvel li sene isnâ ve erba‘în ve tis‘a mi’e. Şuhûdü’l-hâl: Ali b. Eşref, İskender b. Karagöz Bey, Ahmed ve gayruhüm. Meblağ-ı mezbûrun ahzına muhzır Hızır havâle ta‘yîn olunup sicil olundu.