Üsküdar Mahkemesi 9 Numaralı Sicil (H. 940-942 / M. 1534-1536) cilt: 4, sayfa: 292 Hüküm no: 714 Orijinal metin no: [85b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karaca b. Abdullah’ın evini vakfetmesi Sebeb-i tahrîr-i sicil budur ki Mahmud b. İshak el-vekîl an kıbeli Karaca b. Abdullah es-sâbit vekâletühu bi şehâdeti Ali b. Hasan ve Hacı Durasan b. Karaca mezbûr Mahmud mezbûr Ali b. Karaca’nın vakf ettiği mülk evin mütevellîsi olan Hacı Durasan b. Karaca’yı meclis-i şer‘a ihzâr edip takrîr-i da‘vâ kılıp dedi ki müvekkilim Karaca sâbıkan Selman Ağa mahallesinde olan mülk evini tevâbi‘ ve levâhık helâsı ile ma‘lûmetü’l-hudûddur ınde ahâlîhâ avratı Server bt. Abdullah ve câriyesi Hurşîd bt. Abdullah ve evlâdlarına ve anlardan sonra Geredeli Mescidi’ne her kim imâm olursa vakf ettim mezbûr imâm isterse sâkin olsun ve isterse kirâya verip kirâsın alsın deyip ve hem Mütevellî Hacı Durasan’a teslîm ettim idi hâliyâ fark galebe edip rücû‘ etmek ister deyû müvekkilim dedikde mezbûr Hacı Durasan da‘vâ edip dedi ki ben vakıf olduğun isterim rücû‘a râzı değilim dedikde mülk evin vakf-ı sahîhtir edille-і eimme kavli üzre vakıf enfa‘dır deyû vakfa hükm olundu hükmen sahîhan şer‘iyyen bi’t-taleb tescîl olundu. Tahrîren fî evâili Rebi‘ilevvel [sene] 942. Şuhûdü’l-hâl: Ali b. Ahmed ve Yusuf b. Şâzî ve Hasan b. Sarıca ve Durbâli b. Gaybî ve Ali b. Musa.