Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 378 Hüküm no: 411 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahûdi Mosi v. Abraham’ın borçlusu olduğu Halil Çelebi b. Abdullah’la borcunu bir sene sonra ödemek üzere anlaştığı Mahrûse-i Galata kazâsına tâbi‘ kasaba-i Ortaköy’de Yeni mahallede sâkin tâife-i Yahudun Sinyora cemâ‘atinden Mosi v. Abraham nâm Yahûdi mahfil-i kazâda işbu râfi‘u’l-vesîka Halil Çelebi b. Abdullah nâm kimesne mahzarında ikrâr ve takrîr-i kelâm edip mezbûr Halil Çelebi’ye cihet-i deyn-i şer‘îden yüz guruş deynim olup lâkin meblağ-ı mezbûru hâlâ ve def‘aten edâya iktidârım olmayıp te’cîle tâlib olduğumda mezbûr Halil Çelebi târih-i kitâbdan bir sene tamamında edâ etmek üzere beni te’cîl eylediğinde ben dahi ber-vech-i muharrer te’cîl-i mezkûru kabûl edip ve meblağ-ı mezbûr yüz guruşu ecel-i mezkûr hulûlünde mezkûr Halil Çelebi’ye bi’t-tamam edâ ve teslîme ta‘ahhüd eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 28 min-Cumâdelâhire sene 1121 Şuhûdü’l-hâl: Mustafa b. Şa‘ban, Ali b. İvaz, Hasan b. Mustafa, Ali b. Bâli ve gayruhum mine’l-huzzâr. Yako v. Yasef.