Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 381 Hüküm no: 417 Orijinal metin no: [57b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Hüseyin’in geçinemediği kocası Hüseyin b. Ömer’den boşandığı Mahmiye-i İstanbul’da Debbâğ Yunus Mahallesi’nde sâkine Havvâ bt. Hüseyin nâm hatun zâtı Müezzin Mustafa Efendi b. Sâdık ve el-Hâc Ahmed b. İvaz nâm kimesneler ta‘rîfleriyle mu‘arrefe oldukdan sonra meclis-i şer‘-i şerîf-i enverde zevc-i dâhili işbu sâhibü’l-kitâb Hüseyin b. Ömer nâm kimesne mahzarında ikrâr-ı tâm ve takrîr-i kelâm edip zevcim mezbûr Hüseyin ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh olan beş yüz akçe mehr-i müeccelim ile nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Hüseyin ile muhâla‘a-i sahîha-i şer‘iyye ile muhâla‘a olup ol dahi ber-vech-i muharrer hul‘-ı mezbûru baʻde’l-kabûl hukūk-ı zevciyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 28 min-Cumâdelâhire sene 1121 Şuhûdü’l-hâl: Receb Beşe b. Ahmed, Mustafa b. Ahmed, Mahmud b. Mustafa, Ömer b. Ali diğer Mustafa b. Şa‘ban ve gayruhum mine’l-huzzâr.