Üsküdar Mahkemesi 14 Numaralı Sicil (H.953-955/ M. 1546-1549) cilt: 5, sayfa: 196 Hüküm no: 373 Orijinal metin no: [53b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi b. Andriye ile Nikola b. Poli’nin yol anlaşmazlığı Vech-i tahrîr-i sicil budur ki Karye-i Çengel’den Yorgi b. Andriye ve Nikola b. Poli meclis-i şer‘a hâzırân olduklarında mezbûr Yorgi takrîr-i da‘vâ kılıp eyitdi ki senin evin ile arada tarîk yok iken evim bozdun deyip mezbûr Nikola tarîk vardır deyicek mezbûr Yorgi senin evin duvarına varınca benim mülkümdür deyicek mezbûr Nikola inkâr edip gıbbe’l-inkâr beyyine taleb olunup Papa Yani b. Nikola ve Todora b. Kalod nâm zimmîler Nikola nâm zimmînin evi duvarına varınca Yorgi nâm zimmînin mülküdür dediklerinde ba‘de’t-tezkiyye hayyiz-i kabûlde vâki‘ olup bi’t-taleb sicil olundu. Vaka‘a’t-tahrîr fî evâhiri Receb sene 954. Şuhûdü’l-hâl: Fi’l-a‘lâ.