Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 426 Hüküm no: 480 Orijinal metin no: [66a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa b. Yusuf’un Sinan Paşa mahallesindeki evinin bir bölümünü azatlı cariyeleri Afife bt. Abdullah ile Maksude bt. Abdurrahman’a satıp zimmetlerini ibra ettiği Mahmiye-i İstanbul’da Sinan Paşa Mahallesiʼnde sâkin İbrahim Ağa b. Yusuf nâm kimesne meclis-i şer‘-i şerîf-i enverde kendi atîkalarından işbu râfi‘ateyi’l-vesîka Afife bt. Abdullah ve Maksude bt. Abdurrahman taraflarından husûs-ı âti’z-zikri tasdîka vekîlleri olan Müezzin Hasan Efendi b. Süleyman nâm kimesne mahzarında ikrâr-ı tâm ve takrîr-i kelâm edip akd-i âtî sudûruna değin yedimde mülk ve hakkım olup mahalle-i mezbûrede vâki‘ bir tarafdan mescid-i şerîf haremi ve bir tarafdan Taşçı Ali menzili ve bir tarafdan Emine Hatun menzili ve bir tarafdan tarîk-i âm ile mahdûd dâhiliyesinde fevkānî üç bâb oda ve bir sofa ve tahtânî bir matbah ve bir kiler ve bir kenîf ve bir mikdâr havlu ve hâriciyesinde fevkānî bir bâb oda ve bir sofa ve tahtânî bir matbah ve bir kiler ve bir mikdâr havluyu müştemil mülk menzilin dâhiliyesini tevâbi‘ ve levâhıkıyla tarafeynden îcâb ve kabûlü hâvî şürût-ı müfsideden ârî bey‘-i bâtt-ı sahîh-i şer‘î ile müvekkiletân-ı mezbûretân Afife ve Maksude’ye üç yüz guruşa bey‘ ve temlîk ve teslîm onlar dahi ber-vech-i muharrer iştirâ ve temellük ve tesellüm ve kabûl eylediklerinden sonra semeni olan meblağ-ı mezbûr mutâlebesinden müvekkiletân-ı mezbûretânın zimmetlerini ibrâ-i âm ile ibrâ ve iskāt eyledim baʻde’l-yevm menzil-i mahdûd-ı mezkûrun dâhiliyesi müvekkiletân-ı mezbûretânın mülk-i müşterâları olmuşdur keyfe mâ teşâ’ân ve tehtârân mutasarrıfetân olsunlar dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 9 min-Recebi’l-ferd sene 1121 Şuhûdü’l-hâl: Mehmed Ağa b. Abdi, Mustafa Çelebi b. Şa‘ban, Hasan Çelebi b. Mustafa, Hasan b. Abdullah, Ali b. Bâli ve gayruhum mine’l-huzzâr.