Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 430 Hüküm no: 486 Orijinal metin no: [66b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüccar Süleyman b. Ali’nin astar bedelinden alacağı olduğu Kirkor v. Markar’ın borcunu ödemesi Tüccâr tâifesinden Süleyman b. Ali nâm kimesne mahfil-i kazâda Kirkor v. Markar nâm zimmî muvâcehesinde üzerine da‘vâ ve takrîr-i kelâm edip merkūm Kirkor zimmetinde beynimizde ma‘lûm astar bahâsından kırk sekiz buçuk guruş hakkım olmağla suâl olunup alıverilmesi matlûbumdur dedikde gıbbe’s-suâl merkūm Kirkor cevâbında fi’l-hakīka kaziyye minvâl-i muharrer üzere olup müdde‘î-i mezbûra zikr olunan astar bahâsından kırk sekiz buçuk guruş zimmetimde lâzımü’l-kazâ deynimdir deyü ikrâr u i‘tirâf etmeğin mûcebince meblağ-ı mezbûru müdde‘î-i mezbûra edâ ve teslîme merkūm Kirkor’a tenbîh-birle mâ-vaka‘a bi’t-taleb ketb olundu. Fî-muntasıf-ı Cumâdelâhire sene 1121 Şuhûdü’l-hâl: el-Hâc Mustafa Efendi b. ( ), Hüseyin Beşe Çukadâr, el-Hâc Mehmed b. ( ) ve gayruhum mine’l-huzzâr.