Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 435 Hüküm no: 489 Orijinal metin no: [67b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi esnafından Mustafa b. Mehmed ile ortakları Karabet v. Begos ve Kazar v. Avadik’in beygirlerini ve odunlarını Nikagos v. Markos’a sattıkları Ekmekçi tâifesinden Mustafa b. Mehmed ile şerîkleri Karabet v. Begos ve Kazar v. Avadik nâm zimmîlerin bâ-hüccet-i şer‘iyye vekîl-i müseccelleri olan Nikagos v. Markos nâm zimmî mahfil-i kazâda işbu râfi‘u’s-sifr Misail v. Anayna nâm zimmî muvâcehesinde bi’l-vekâle ikrâr ve takrîr-i kelâm edip mahmiye-i İstanbul’da Zencirli [kuyu] kurbünde vâki‘ müvekkillerim mülkleri olan beynlerinde ma‘lûm on iki re’s bârgir ve altmış çeki odunlarını bi-safkatin vâhidetin mezbûr Misail’e otuz beş guruşa bey‘ ve temlîk ve teslîm eylediklerinde ol dahi ber-vech-i muharrer iştirâ ve temellük ve tesellüm ve kabûl eylediğinden sonra semeni olan meblağ-ı mezbûr otuz beş guruşu mezbûr Misail zimmî yedinden her biri bi-kadri’l-hısas ahz u kabz eylediler baʻde’l-yevm eşyâ-i muharrere-i mezkûre mezbûr Misail zimmînin mülk-i müşterâsı olmuşdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 23 min-Recebi’l-ferd sene 1121 Şuhûdü’l-hâl: Mustafa Çelebi b. Şa‘ban, Ali Çelebi b. Bâli, Hasan Çelebi b. Mustafa, Ali Çelebi b. İvaz, Abdullah Çelebi b. Mustafa, Süleyman b. Abdullah ve gayruhum mine’l-huzzâr.