Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 435 Hüküm no: 490 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Mehmed’e borcu olan Avak v. Manuk’un borcunu ödemesi Mahrûse-i Galata muzâfâtından kasaba-i Kasım Paşa’da Küçük Piyale Paşa Mahallesiʼnde sâkin işbu râfi‘u’l-kitâb el-Hâc İbrahim b. Mehmed nâm kimesne meclis-i şer‘-i şerîf-i enverde Avak v. Manuk nâm zimmî muvâcehesinde da‘vâ ve takrîr-i kelâm edip mezbûr Avak zimmetinde kösele bahâsından yüz guruş ve üç rub‘ guruş hakkım olup taleb eylediğimde bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Avak cevâbında fi’l-vâki‘ kaziyye müdde‘î-i mezbûrun takrîr-i meşrûhu üzere olup cihet-i mezkûreden meblağ-ı mezbûr yüz guruş ve üç rub‘ guruş müdde‘î-i mezbûra zimmetimde lâzımü’l-edâ deynimdir deyü tâyi‘an ikrâr u i‘tirâf etmeğin alâ-mûcebi i‘tirâfihî meblağ-ı mezbûr yüz guruş ve üç rubu‘ guruşu mezbûr el-Hâc İbrahim’e edâ ve teslîme mezbûr Avak zimmîye tenbîh-birle mâ-vaka‘a bi’t-taleb ketb olundu. Fî 23 min-Recebi’l-ferd sene 1121 Şuhûdü’l-hâl: Mustafa Çelebi b. Şa‘ban, Hasan Çelebi b. Mustafa, Hasan Çelebi b. Abdullah, Ali Çelebi b. İvaz, Ali Çelebi b. Bâli ve gayruhum mine’l-huzzâr.