Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 442 Hüküm no: 499 Orijinal metin no: [69a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Efendi b. Şeyh Ali Efendi’ye borcu olan İztiro v. Yani’nin borcunu ödemesi Mahmiye-i İstanbul’da Sultan Selim kurbünde Çukurbostan Mahallesiʼnde sâkin işbu bâ‘isü’l-kitâb Abdullah Efendi b. eş-Şeyh Ali Efendi nâm kimesne meclis-i şer‘-i şerîf-i enverde İstiro v. Yani nâm zimmî muvâcehesinde üzerine da‘vâ ve takrîr-i kelâm edip mezbûr İstiro zimmetinde cihet-i havâleden on bin beş yüz akçe hakkım olup taleb eylediğimde bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr İstiro cevâbında fi’l-vâki‘ kaziyye müdde‘î-i mezbûrun takrîr-i meşrûhu üzere olup cihet-i mezkûreden meblağ-ı mezbûr on bin beş yüz akçe müdde‘î-i mezbûra zimmetimde lâzımü’l-edâ deynimdir deyü tâyi‘an ikrâr u i‘tirâf etmeğin alâ-mûceb-i i‘tirâfihî meblağ-ı mezbûr on bin beş yüz akçeyi müdde‘î-i mezbûr Abdullah Efendi’ye edâ ve teslîme mezbûr[a] tenbîh-birle mâ-vaka‘a bi’t-taleb ketb olundu. Fî 14 min-Recebi’l-ferd sene 1121 Şuhûdü’l-hâl: Ömer Çelebi b. Şükrullah, Abdullah Çelebi b. Mustafa, İsmail Beşe b. Abdullah, Mustafa Çelebi b. Şa‘ban, Ali Çelebi b. İvaz ve gayruhum mine’l-huzzâr.