Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 445 Hüküm no: 503 Orijinal metin no: [69b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın Rus asıllı cariyesi Tevekkül bt. Abdullah’ı azat ettiği Mahmiye-i İstanbul’da Mustafa Paşa Mahallesiʼnde sâkine olup zâtı ta‘rîf-i şer‘î ile mu‘arrefe olan Âişe bt. Mustafa nâm hatun meclis-i şer‘-i şerîf-i enverde takrîr-i kelâm ve tâʻbir ani’l-merâm tahakkuk-ı âti’z-zikrin sudûruna değin bana rıkkıyetini mu‘terife olan işbu orta boylu açık kaşlı gök elâ gözlü Rusiyyetü’l-asl bâ‘isetü’l-kitâb Tevekkül bt. Abdullah nâm câriye-i memlûkemi hasbeten lillâhi’l-Meliki’l-Hallâk ve taleben li-merzâti’r-Rabbi’r-Rezzâk mevsûfe-i mezbûreyi cemî‘ mâlımdan tahrîr ve i‘tâk ve zümre-i ahrâr-ı asliyyât zümresine idrâc ve ilhâk eyledim baʻde’l-yevm mevsûfe-i mezbûre Tevekkül sâir ahrâr-ı asliyyât gibi hürre olup üzerinde velâ-i şer‘îden gayrı hakkım kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb ü terkīm olundu. Fî 18 min-Recebi’l-ferd sene 1121 Şuhûdü’l-hâl: Fahrü’l-kuzât Ebûbekir Efendi Nâib-i ayak, Mustafa Çelebi b. Şa‘ban, Ali b. İvaz, Hasan b. Abdullah, Mehmed Çelebi b. İbrahim, Mehmed Ağa Kethüdâ-yı muhzırân, Süleyman b. Abdullah, diğer Ali b. Bâli, diğer Mustafa Çelebi b. Ahmed ve gayruhum mine’l-huzzâr.