Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 89 Hüküm no: 82 Orijinal metin no: [9b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aleksi b. Nikola’nın Yorgi’ye borçlu olduğu Vech-i tahrîr-i sicil budur ki Karye-i Akkilise’den Aleksi b. Nikola meclis-i şer‘de ikrâr ve i‘tirâf edip Yorgi nâm levend ile bir yıla altı yüz akçeye hızmet etmek üzere kavl edip, hızmeti etti, iki yüz akçesin verdim, bâkī dört yüz akçesi zimmetimdedir deyû ikrâr karye-i mezbûra âmil olan Fotinoz b. Yani nâm âmil inkâr edip yüz akçesin vermişdir, beş yüz akçe bâkīdir deyicek bi’t-taleb kayd-ı defter olundu. Vaka‘a’t-tahrîr fî evâili Rebî‘ayn sene 956. Mezkûr âmilden beş yüz akçe zimmetinde idiğine beyyine taleb olunup âciz olundukda mezbûr Aleksi’ye [yemîn] teklîf olunup nükûl ettiği sebebden beş yüz akçe hükm olundu. Şuhûdü’l-hâl: Ramazan b. Hüseyin, Yorgi b. Kethüdâ, Aleksi b. Yani, Lika b. Kosta, Nikola b. Dimo ve gayruhüm.