Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 90 Hüküm no: 83 Orijinal metin no: [10a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Yorgi’nin, Andon’da alacağı olduğu Vech-i tahrîr-i sicil budur ki Karye-i Akkilise’den hâliyâ âmil olan Fotinoz b. Yani ve Andon b. ( ) meclis-i şer‘a hâzır olup eyitti ki fevt olan Yorgi nâm levendin sende yetmiş akçe nakidden ve iki gün ırgatlıkdan cem‘an seksen akçesi kalıp dedikde ve Andon b. ( ) su’âl olundukda inkâr edip gıbbe’l-inkâr mezbûr âmilden beyyine taleb olunup âciz olundukda mezbûr Andon’a âyin-i bâtılları üzere yemîn teklîf olunup beş kere yemînden nükûl ettiği bâ‘isden meblağ-ı merkūm hükm olundu ki bi’t-taleb sicil olundu. Vaka‘a’t-tahrîr fî evâili Rebî‘ayn sene 956. Şuhûdü’l-hâl: Ramazan b. Hüseyin, Yorgi Kethüdâ b. Aguston, Aleksi b. Yani, Kosta b. Yani ve gayruhüm.