Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 128 Hüküm no: 201 Orijinal metin no: [21b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âmil Fotinoz b. Yani’nin boş yeri Kosta ve Apostol b. Nikola’ya tapuladığı Vech-i tahrîr-i sicil budur ki Karye-i Maltepe âmil[i] olan Fotinoz b. Yani meclis-i şer‘de ikrâr edip bir kıt‘a hâlî yeri tapuya müstahak olup, hudûd bir taraf İstati yerine ve bir cânibi Dimitri Kateri’ye ve bir cânibi Yanilo yerine ve bir cânibi Kosta Kethüdâ yerine ve tarîk-ı âm iledir, işbu sâhib Kosta ve Apostol b. Nikola nâm zimmîlere altmış akçe resm-i tapusun alıp verdim, nice dilerse alıp kimesne mâni‘ ve müzâhim olmaya dedikde mukırr-ı mezbûru mukarrun-lehü’l-mezkûrlar vicâhen tasdîk edip sıhhat-i akd-i tapu mukarrer [olup] bi’t-taleb kayd-ı defter olundu. Vaka‘a’t-tahrîr fî evâili Şa‘bâni’l-mu‘azzam sene 956. Şuhûdü’l-hâl: Ramazan b. Hüseyin, Şaban Bey b. Abdullah Korucu, Toma b. Kosta, Yorgi b. Aguston, Yorgi b. Manol