Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 128 Hüküm no: 202 Orijinal metin no: [22a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahya Çelebi’nin, vârissiz ölen Elif Hatun bt. İvaz’ın bostan yerini Orhan b. Ahmed’e tapuladığı Vech-i tahrîr-i sicil budur ki Karye-i Yakacık’a hâliyâ sipâhi olan fahru’l-emâsil ve’l-akrân Yahya Çelebi b. ( ) vekîl-i şer‘îsi olan Ahmed Bey b. Abdullah meclis-i şer‘a hâzır olup eyitti ki karye-i mezbûrda Elif Hâtun bt. İvaz fevt olup, evlâd-ı zükûru kalmayıp, bir kıt‘a bostan yerini kānûn üzere tapuya müstahak olup, hudûd bir cânibi Mustafa bostanına ve bir cânibi çeşmeye ve bir cânibi tarîk-ı âmma ve bir cânibi Bayezid bostanına muttasıldır, işbu sâhibü’s-sicil Orhan b. Ahmed’e altmış akçe resm-i tapusun alıp verdim ki nice dilerse mutasarrıf olup kimesne mâni‘ ve müzâhim ve müsâhim olmaya dedikde mezbûr Orhan vicâhen tasdîk edip sıhhat-i akd-i tapu mukarrer olup bi’t-taleb kayd-ı defter olundu. Vaka‘a’t-tahrîr fî evâili Şa‘bâni’l-mu‘azzam sene 956. Şuhûdü’l-hâl: Mustafa b. Ali, Mustafa b. İsâ, Altuntaş b. Kobaldin, Timurtaş b. Kobaldin, Musa b. Timur, Yusuf b. Abdi Fakīh, Ahmed b. Abdullah, Şaban b. Turhan, Üveys b. Bahşayiş, Mahmud b. Ahmed