Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 466 Hüküm no: 534 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed ile kardeşi Fâtıma’nın menzil kirasından Ali Çelebi b. Hasan’da olan alacaklarını tahsil ettikleri Mahmiye-i İstanbul’da Keçeci Pîrî Mahallesi sâkinelerinden olup zâtları İbrahim Çelebi b. el-Hâc Mustafa ve Halil Bey b. İbrahim nâm kimesneler ta‘rîfleriyle mu‘arrefe olan Âişe ve Fâtıma ibnetey Mehmed nâm hatunlar meclis-i şer‘-i şerîf-i enverde işbu râfi‘u’l-kitâb Ali Çelebi b. Hasan nâm kimesne mahzarında her biri ikrâr ve takrîr-i kelâm edip beynimizde ma‘lûm menzil icâresinden ba‘de külli hesâb on guruş hakkımız olup meblağ-ı mezbûru her birimiz bi-kadri’l-hısas mezbûr Ali Çelebi yedinden tamamen ahz u kabz eyledik baʻde’l-yevm icâre-i merkūmeye müte‘allika vechen mine’l-vücûh ve sebeben mine’l-esbâb mezbûr Ali Çelebi ile kat‘â da‘vâ ve nizâ‘ımız yokdur dediklerinde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fî 25 min-Recebi’l-ferd sene 1121 Şuhûdü’l-hâl: Es-sâbikūn, es-sâbikūn, es-sâbikūn.