Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 468 Hüküm no: 537 Orijinal metin no: [73b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmihan bt. Mehmed’in katledilen damadı Ayıcı Ali b. Hacı Mustafa’yı katledeni bildiği iddiasıyla Ahmed b. Mustafa’ya açtığı davadan vazgeçtiği Mahmiye-i İstanbul’da el-Hâc İlyas Mahallesiʼnde sâkin iken bundan akdem vefât eden Ayıcı Ali b. el-Hâc Mustafa’nın sagīr oğlu İbrahim ve sagīre kızı Havvâ’nın ceddeleri ve vasîleri olan İsmihan bt. Mehmed nâm hatun mahfil-i kazâda işbu râfi‘u’l-vesîka Ahmed b. Mustafa nâm kimesne mahzarında ikrâr ve takrîr-i kelâm edip müteveffâ-i mezbûru bir kimesne katl edip firâr etmekle ol kimesne senin fikin? idi bul deyü mezbûr Ahmed’den da‘vâ etmişidim hâlâ mezbûr Ahmed ile vech-i meşrûh üzere da‘vâ ve nizâ‘ım yokdur dedikde gıbbe’t-tasdîkı’l-mer‘î mâ-vaka‘a bi’t-taleb ketb olundu. Fî 28 min-Recebi’l-mürecceb sene 1121 Şuhûdü’l-hâl: Süleyman b. Mehmed, Hasan b. Mehmed, el-Hâc Mehmed Ağa b. Mustafa, Hüseyin b. Ömer, Hasan Çelebi b. Mehmed ve gayruhum mine’l-huzzâr.