Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 200 Hüküm no: 433 Orijinal metin no: [44a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri b. Tıranoz’un yol üzerine yaptığı evin Yorgi b. Yani’ye zarar verdiği Vech-i tahrîr-i sicil budur ki Karye-i İstavros’dan Tal Yorgi b. Yani meclis-i şer‘a karye-i mezbûrdan Dimitri b. Tıranoz[’u] ihzâr edip üzerine takrîr-i da‘vâ kılıp dedi ki tarîk-ı âm üzerine ev binâ edip bana zarar ettin dedikde mezbûr Dimitri inkâr edip mezbûr Yorgi’den beyyine taleb olunup Ali b. Abdullah ve Mehmed b. Hamza nâm kimesneler dediler ki biz şâhidleriz ve şehâdet ederiz, işbu yer kâdîm-i evvelden yoldur, açık idi dediklerinde şâhidân-ı mezbûrânın şehâdetleri hayyiz-i kabûlde vâki‘ olup bi’t-taleb kayd-ı sicil olundu. Vaka‘a’t-tahrîr fî evâsıtı Recebi’l-mürecceb sene 957. Şuhûdü’l-hâl: Ali Bey b. Abdullah, Ramazan b. Hüseyin, Mustafa b. Mehmed, Manol b. Yani, Manos b. İstefan ve gayruhüm