Üsküdar Mahkemesi 17 Numaralı Sicil (H.956-963/ M.1549-1556) cilt: 6, sayfa: 200 Hüküm no: 434 Orijinal metin no: [44a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hızır’ın Salime bt. Hızır’a yer sattığı Vech-i tahrîr-i sicil budur ki Karye-i Çengel’den Mehmed b. Hızır meclis-i şer‘a hâzır olup dedi ki deryâ kenarında bir kıt‘a yer ki hudûd bir taraf Yahud[i] yerine ve bir cânibi müşteri evine ve bir taraf bâyi‘i’l-mezbûr yerine tûlen on zirâ‘ ve arzan deryâyla müşteri mülküne muttasıldır, işbu sâhibü’s-sicil Salime bt. Hızır’a beş yüz akçeye bey‘ ettim, semen-i merkūmu bilâ kusûr ve lâ küsûr aldım, kabûl ve kabz ettim dedikde mukırr-ı mezbûru mukarrun-lehü’l-mezkûr Mehmed vicâhen tasdîk ettikden sonra sıhhat-i akd-i bey‘ mukarrer olup hükm olundu ki vaka‘a’t-tahrîr fî evâsıtı Recebi’l-mürecceb sene 957. Şuhûdü’l-hâl: Ali b. Abdullah, Mustafa b. Mehmed, Murad b. Mehmed, Karaca b. Yusuf, Ramazan b. Umur ve gayruhüm