Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 480 Hüküm no: 543 Orijinal metin no: [77b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neslihan bt. Ramazan’ın geçinemediği kocası Mehmed b. Muslu ile boşandığı Mahmiye-i İstanbul’da Hadice Sultan Mahallesiʼnde sâkine olup zâtı İsmail Efendi b. Mehmed ve Receb b. İbrahim nâm kimesneler ta‘rîfleriyle mu‘arrefe olan Neslihan bt. Ramazan nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Mehmed b. Muslu nâm kimesne mahzarında ikrâr ve takrîr-i kelâm edip zevcim mezbûr Mehmed ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh <> bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Mehmed ile muhâla‘a-i sahîha-i şer‘iyye ile muhâla‘a eylediğimde ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde [gıbbe’t-tasdîkı’ş-şer‘î mâ-vaka‘a bi’t-taleb ketb olundu.] Fî 2 min-Şa‘bâni’l-mu‘azzam sene 1121 Şuhûdü’l-hâl: Mustafa b. Şa‘ban, Ali b. İvaz, Abdullah b. Abdullah, Ahmed b. Ali, Ali b. Bâli ve gayruhum mine’l-huzzâr.