Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 491 Hüküm no: 556 Orijinal metin no: [80a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihalaki v. İskoli’nin Hüseyin Çeleb b. Mehmed’e olan borcunu taksitler halinde ödemek üzere anlaştığı Sâ‘atçi tâifesinden Mihalaki v. İskoli nâm zimmî meclis-i şer‘-i şerîf-i enverde Hüseyin Çelebi b. Mehmed nâm kimesne mahzarında ikrâr ve takrîr-i kelâm edip mezbûr Hüseyin Çelebi’ye cihet-i deyn-i şer‘îden <> elli dört guruş zimmetimde vâcibü’l-edâ deynim olup lâkin meblağ-ı mezbûru hâlâ ve def‘aten edâya iktidârım olmayıp te’cîl ve taksîte tâlib olduğumda ol dahi târih-i kitâbdan her otuz gün tamamında kendiye birer guruş verip târih-i kitâbdan bin altı yüz yirmi gün tamamına değin edâ etmek üzere taksît ve te’cîl eylediğinde ben dahi ber-vech-i muharrer kabûl ve miyân-ı madrûbe tamamına değin edâya ta‘ahhüd eyledim dedikde gıbbe’t-tasdîkı’l-mer‘î mâ-vaka‘a bi’t-taleb ketb olundu. Fî 7 min-Şa‘bâni’l-mu‘azzam sene 1121 Şuhûdü’l-hâl: Mustafa Çelebi b. Şa‘ban, Hasan Çelebi b. Mustafa, Ali Çelebi b. İvaz, Abdullah b. Abdullah, Mehmed Çelebi b. Abdi Kethüdâ-yı muhzırân, Hasan Çelebi b. Abdullah, Süleyman b. Abdullah ve gayruhum mine’l-huzzâr.