Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 512 Hüküm no: 579 Orijinal metin no: [84b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Abdullah’ın geçinemediği kocası Ali b. Ahmed’den boşandığı Mahmiye-i İstanbul’da Abdi Subaşı Mahallesiʼnde sâkine olup zâtı ta‘rîf-i şer‘î ile mu‘arrefe olan Âişe bt. Abdullah nâm hatun mahfil-i kazâda zevc-i dâhili işbu râfi‘u’l-kitâb Ali b. Ahmed nâm kimesne mahzarında ikrâr-ı tâm ve takrîr-i kelâm edip zevcim mezbûr Ali ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh <> bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine <> ve eşyâ-i memlûkemden kendiye medfû‘um olan bir döşek ve bir yemenî yorgan ve iki yasdık ve bir minder ve bir leğen ma‘a ibrik ve bir sahan ve bir tencere bedel-i hul‘ olup ve meûnet-i süknâm dahi kendi üzerime olmak üzere zevcim mezbûr Ali ile muhâla‘a-i sahîha-i şer‘iyye ile muhâla‘a eylediğimden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 13 min-Şa‘bâni’l-mu‘azzam sene 1121 Şuhûdü’l-hâl: Hâfız Mehmed Efendi, Mumcu Mehmed Beşe, Ali Beşe, Mustafa b. Şa‘ban, Ali b. İvaz ve gayruhum mine’l-huzzâr.