Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 514 Hüküm no: 581 Orijinal metin no: [85a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Abdullah’ın geçinemediği kocası Hasan Beşe b. Süleyman’dan boşandığı Mahmiye-i İstanbul’da Mesîh Paşa Câmi‘-i şerîfi kurbünde sâkine olup zâtı Hüseyin b. Ahmed ve Mustafa b. Mehmed ta‘rîfleriyle mu‘arrefe olan Emine bt. Abdullah nâm hatun meclis-i şer‘-i şerîf-i enverde zevc-i dâhili işbu râfi‘u’l-kitâb Hasan Beşe b. Süleyman nâm kimesne mahzarında ikrâr ve takrîr-i kelâm edip zevcim mezbûr Hasan Beşe ile beynimizde hüsn-i zindegānemiz olmamağla zimmetinde mütekarrer ve ma‘kūdün-aleyh üç bin akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Hasan Beşe ile muhâla‘a-i sahîha-i şer‘iyye ile muhâla‘a eylediğimde ol dahi ber-vech-i muharrer hul‘-ı mezbûru kabûl eylediğinden sonra hukūk-ı zevciyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve iskāt eyledik [dedikde] gıbbe’t-tasdîk mâ-vaka‘a bi’t-taleb ketb olundu. Fî 13 min-Şa‘bâni’l-mu‘azzam sene 1121 Şuhûdü’l-hâl: Hasan b. Ahmed, Mustafa b. Mehmed, İsmail b. Hüseyin, Mehmed b. Abdullah, Ali b. İvaz ve gayruhum mine’l-huzzâr.