Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 526 Hüküm no: 597 Orijinal metin no: [87b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Abdullah’ın Abdülbâki b. Halil’e olan borcunu taksitler halinde ödeyeceği Mahmiye-i İstanbul’da Seferikoz Mahallesiʼnde sâkin işbu râfi‘u’l-kitâb Abdülbâki b. Halil meclis-i şer‘-i şerîf-i enverde Mustafa b. Abdullah mahzarında ikrâr ve takrîr-i kelâm edip mezbûr Mustafa zimmetinde beynimizde ma‘lûm kayık bahâsından on beş guruş hakkım olup meblağ-ı mezbûrdan beş guruşunu ahz u kabz edip meblağ-ı bâkī on guruşu mezbûr Mustafa’nın def‘aten edâya iktidârı olmayıp te’cîl ve taksîte tâlib olmağın târih-i kitâb senesi Şevvâl’i gurresinden beher ayda birer guruş vermek üzere on ay tamamına değin te’cîl ve taksît eylediğimde ol dahi te’cîl-i mezkûru kabûl ve meblağ-ı mukassat-ı mezbûru müddet-i mezkûre tamamına değin edâya ta‘ahhüd eyledi dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 15 min-Şa‘bâni’l-mu‘azzam sene 1121 Şuhûdü’l-hâl: Mustafa Çelebi b. Şa‘ban, Süleyman b. Osman, Sefer b. Halil, Mehmed b. Abdullah, Mehmed b. Ahmed, Ali b. İvaz, Abdülkerim b. Ahmed, Ali b. Bâli ve gayruhum mine’l-huzzâr.