Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 527 Hüküm no: 598 Orijinal metin no: [87b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Halil’in geçinemediği kocası İsmail b. Mehmed’den boşandığı Mahmiye-i İstanbul’da Ayvansarıkapısı [Ayvansaray] dâhilinde Koca Mustafa Paşa-yı Atîk Mahallesi sâkinelerinden olup zâtı ta‘rîf-i şer‘î ile mu‘arrefe olan Âişe bt. Halil nâm hatun meclis-i şer‘-i hatîrde zevc-i dâhili işbu hâmilü’l-kitâb İsmail b. Mehmed nâm kimesne mahzarında ikrâr ve takrîr-i kelâm edip zevcim mezbûr İsmail ile beynimizde hüsn-i zindegānem olmamağla zimmetinde mütekarrer ve ma‘kūdün-aleyh olan iki bin akçe mehr-i müeccelim [88a] ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr İsmail ile hul‘ olduğumda ol dahi minvâl-i muharrer üzere hul‘-ı mezbûru kabûl eylediğinden sonra hukūk-ı zevciyete müte‘allika âmme-i de‘âvî ve mutâlebâtdan her birimiz âharın zimmetini ibrâ-i âmm-ı kātı‘u’n-nizâ‘la ibrâ ve iskāt eyledik fîmâ-ba‘d birbirimiz ile aslâ ve kat‘â da‘vâ ve nizâ‘ımız kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 15 min-Şa‘bâni’l-mu‘azzam sene 1121 Şuhûdü’l-hâl: Mehmed Çelebi b. Abdullah, Mustafa Çelebi b. Şa‘ban, Hüseyin Çelebi b. Abdullah, Ali Çelebi b. İvaz, Ali Beşe b. Bâli ve gayruhum mine’l-huzzâr.