Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 534 Hüküm no: 608 Orijinal metin no: [89a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Ömer’in talebiyle boşandığı kocası Süleyman b. Ahmed’in ödemesi şartıyla küçük kızları Ayşe’ye nafaka tayin edildiği Mahmiye-i İstanbul’da Edirnekapısı kurbünde Hadice Sultan Mahallesi'nde sâkine zâtı ta‘rîf-i şer‘î ile mu‘arrefe olan işbu râfi‘atü’l-kitâb Havvâ bt. Ömer nâm hatun mahfil-i kazâda zevc-i sâbıkı Süleyman b. Ahmed nâm kimesne mahzarında takrîr-i kelâm ve tâ‘bir ani’l-merâm edip zevcim mezbûrun firâşından hâsıla ve benden mütevellide bi-hakkı’l-hıdâne hacr u terbiyemde olan işbu sadriye sagīre kızım Âişe’nin nafaka ve kisveye eşedd-i ihtiyâcı olmağla babası mezbûr üzerine kıbel-i şer‘den kadr-i <> ma‘rûf nafaka ve kisve-bahâ farz ve takdîr olunmak matlûbumdur dedikde gıbbe’t-tasdîkı’l-mer‘î hâkim-i muvakki‘-ı sadr-ı kitâb tûbâ-lehû ve hüsnü-meâb hazretleri tarafeynin rızâlarıyla sagīre-i mezbûre için babası merkūm üzerine târih-i kitâbdan beher yevm birer para farz ve takdîr edip meblağ-ı mefrûz-ı mezkûru sagīre-i mezbûrenin nafaka ve kisve ve sâir levâzımına harc u sarfa ve lede’l-iktizâ istidâneye ve inde’z-zafer mezbûr Süleyman üzerine rücû‘a mezbûre Havvâ’ya izin vermeğin mâ-vaka‘a bi’t-taleb ketb olundu. Fî 11 min-Şa‘bâni’l-mu‘azzam sene 1121 Şuhûdü’l-hâl: Mehmed Beşe b. Mustafa, Mustafa b. Ali, Mehmed b. İbrahim, Mustafa b. Şa‘ban, Ali b. İvaz ve gayruhum mine’l-huzzâr.