Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 536 Hüküm no: 611 Orijinal metin no: [89b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Zoto v. Pavlo’nun Bahçıvan Dimo’da olan alacağını kefili İstavrid v. Pano’dan teslim aldığı Bahçıvân tâifesinden Zoto v. Pavlo nâm zimmî meclis-i şer‘-i şerîf-i enverde işbu bâ‘isü’l-vesîka İstavrid v. Pano nâm zimmî muvâcehesinde ikrâr ve takrîr-i kelâm edip benim gāib ani’l-meclis Bahçıvân Dimo zimmetinde yetmiş altı guruş hakkım olup meblağ-ı mezbûra merkūm Dimo zimmî tarafeynden emr ve kabûlü hâviye kefâlet-i sahîha-i şer‘iyye ile kefîl olmağla meblağ-ı mezbûru hâkim-i muvakki‘-ı sadr-ı kitâb hazretleri huzûrunda da‘vâ ve edâsına hükm-i şer‘î lâhık ve yedime bir kıt‘a hüccet-i şer‘iyye dahi i‘tâ olunmuş idi hâlâ mezbûr Dimo zimmî meblağ-ı mezbûr yetmiş altı guruşu bi-hükmi’l-kefâlet tamamen bana edâ ve teslîm ben dahi yedinden ahz u kabz edip min-ba‘d meblağ-ı mezbûrdan merkūm Dimo zimmetinde bir akçe ve bir habbe hakkım bâkī kalmadı dedikde gıbbe’t-tasdîkı’l-mer‘î mâ-hüve’l-vâki‘ bi’t-taleb ketb olundu. Fî 19 min-Şa‘bâni’l-mu‘azzam sene 1121 Şuhûdü’l-hâl: Ahmed Çavuş b. Yusuf, Mustafa Ağa b. Mehmed Ağa, Ahmed Bey b. Osman, Halil Çelebi b. İbrahim, Mehmed Çelebi b. Mahmud, Mustafa Çelebi b. Şa‘ban el-Muhzır, Hasan Çelebi b. Mustafa ve gayruhum mine’l-huzzâr Zakarya v. Nikola, Dimo v. Yorgi.