Bab Mahkemesi 92 Numaralı Sicil (H. 1120-1121 / M. 1709) cilt: 60, sayfa: 556 Hüküm no: 629 Orijinal metin no: [93b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmailgeçidi öşründen İstanbul’a nakledilecek buğdayı getirecek olan sefînelerden Marmaralı Manolaki’nin sefînesinin ancak iki bin keyl alabileceğinin tesbit edildiği Ma‘rûz-ı dâ‘îleridir ki İsmailgeçidi kazâsında vâki‘ merhûm Dârü’s-sa‘âde Ağası Mehmed Ağa’nın evkāfından Ali Ağa’nın iltizâmında olmağla a‘şâr-ı şer‘iyyesinden hâsıl keyl-i İsmailî altı bin keyl beher keyli sekizer buçuk keyl-i İstanbulî olmağla elli bir bin keyl hınta eder müteferrik sefîneler ile geldikçe tahmîl olunacak sefînelerin reislerinin kefîlleri alınıp her bir sefîne ba‘de’t-tahmîn ne mikdâr hınta alır i‘lâm oluna deyü buyrulmağın imtisâlen-leh kıbel-i şer‘den hâlâ kapanda nâibimiz Abdurrahman Efendi dâ‘îleri vukūf-ı tammı olan Reisler kethüdâsı el-Hâc Mahmud ve Yiğitbaşıları Ahmed Çelebi ile Ortaköy’de merbût Marmaralı Manolaki nâm zimmînin çenber tâ‘bir olunur sefînesi iki bin keyl hınta ancak alır deyü ba‘de’l-müşâhede her birisi tahmîn ve ihbâr ettiklerin nâib-i mûmâ-ileyh dâ‘îleri tarafımıza haber vermeğin huzûr-ı âlîlerine i‘lâm olundu bâkī fermân men lehü’l-emr hazretlerinindir.