Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 80 Hüküm no: 15 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in kocası Ahmed b. Ahmed’ten muhala‘a yoluyla boşandığı Muhâla‘a. Mahmiye-i İstanbul’da Şâhsultan Mahallesi sâkinelerinden olup zâtı Ahmed Çelebi b. Mehmed ve Osman b. Mahmud ta‘rîfleriyle mu‘arrefe olan Âişe bt. Mehmed nâm hatun meclis-i şer‘-i şerîf-i enverde işbu râfi‘u’l-kitâb Ahmed b. Ahmed nâm kimesne mahzarında ikrâr ve takrîr-i kelâm edip mezbûr Ahmed zevcim olup beynimizde hüsn-i zindegānemiz olmamağla zimmetinde mütekarrir ve ma‘kūdun-aleyh bin beş yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere mezbûr Ahmed ile muhâla‘a-i sahîha-i şer‘iyye ile muhâla‘a eylediğimde ol dahi vech-i muharrer hul‘-ı mezbûru kabûl eyledikden sonra hukūk-ı zevciyyete ve kendiden müdde‘âm olan altmış guruş da‘vâsından ve sâir müte‘allika âmme-i da‘vâdan her birimiz âharın zimmetini ibrâ-i âmm-ı râfi‘u’l-hısâm ile ibrâ ve iskāt edip birbirimiz ile vechen mine’l-vücûh da‘vâ ve nizâ‘ımız kalmamışdır dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 20 Safer sene [1]143. Şuhûdü’l-hâl: Abdülbâki Beşe b. Musa, Ahmed b. Mehmed, Osman b. Mahmud, İbrahim b. Mustafa, Ya‘kub b. Abdullah.